السبت، 23 يوليو 2016

انت فاشل في نظام فاشل إذن انت ناجح(التعليم المصري) و الحل

العلم المخ العقل المعرفة ___________________________________________ علميا الانسان ضعيف جدا بل هو من أضعف ما يكون طب أيه ألي خلا الكائن الضعيف ده يستمر وما ينقرضش ¡¡ الاجابه بكل بساطه هي مخ الانسان المخ : هو الحاجة الوحيدة ألي بتمييز الانسان عن بقية المخلوقات المسكينه ألي لقت نفسها عايشه مع الكائن المجنون ده . المخ المتطور ده بيخليه يقدر يلاحظ و يجرب و يفهم و يستنتج و يستنبط و يكتشف حقائق علمية مهمة جدا للحفاظ علي حياته ويعلم الأجيال ألي بعده الحاجات ألي اكتشفها دي وبالتالي الانسان بيبقي اقوي جيل بعد جيل طول ما المعرفة دي بتنتقل من جيل للتاني فبتزيد قدرات الانسان تدريجيا مع الوقت . الانسان بشكل فطري كده بيحب العلم والمعرفة يعني بينزل من بطن امه وهو جواه راغبة غريزيه مجنونه أنه يعرف كل حاجه في الدنيا ألي لقي نفسه فيها . دا لوحده كده . دا بقي الانسان العادي ألي خلقه ربنا كائن شغوف بالعلم و المعرفة ازأي بقي الانسان الطبيعي ده بمجرد ما يدخل منظومة التعليم المصري الفشله بيتحول الي كائن تاني خالص مش طايق حاجه اسمها علم اساسا يعني تخيل يا أخي لما النظام التعليمي بتعنا من جبروته يقتل الفطره الطبيعية الي اتخلق عليها الانسان . والسبب في ذلك أن النظام التعليمي بتعنا بيعتمد علي الحفظ و التلقين و الاجابة النموذجية من غير أي فهم يعني بالبلدي كده تعليم حميري يعني بدل ما ننقل العلم و المعرفة من جيل لجيل بننقل الحموريه . طب ايه الحل!! الحل هو انك تعلم نفسك بنفسك عن طريق الإنترنت يعني بدل ما تضيع وقتك علي الفيس ادخل علي ويكيبيديا واقراء بعض المقالات العلميه ادخل علي اليوتيوب وشاهد الفيديوهات التعليميه وغيرها من المصادر الي ممكن تتعلم منها لو انت عايز تتعلم 😃 سلاااااام هخ🐸

ليست هناك تعليقات:

إرسال تعليق